ROXAS CITY-Ginkompirmar ni City Mayor Ronnie Dadivas nga may yara sang tatlo ka mga panibag-o nga kaso sang COVID-19 nga napagkit sa siyudad sang Roxas.
Ini base sa ginpaguwa nga official statement sang amo nga alkalde kun sa diin kalakip sa mga nagpositibo si Capiz Governor Esteban Evan Nonoy Contreras nga nagpositibo ini sa amo nga balatian.
Kalakip sa mga nagpositibo amo ang 64-anyos nga lalaki nga residente sang Sitio Sacop, Barangay Culasi sining siyudad kun sa diin ginapahayag nga ginbawian ini sang kabuhi samtang ginabulong sa ospital.
Wala naman sang history of travel ang nasambit nga tigulang apang ginkompirmar ni Dadivas, nga may yara ini sang madugay nga balatian nga diabetes kag chronic kidney disease.
Samtang, nagpositibo man sa COVID-19, ang 23-anyos nga anak sang una man nga nagpositibo sa nasambit nga balatian sa nasambit nga lugar.
Sa karon, nagapabilin na ini nga ginabulong sa Roxas Memorial Provincial Hospital ang nasambit nga indibidwal.
