ROXAS CITY – Arestado ang tatlo ka persona kag napasakaan na sang kaso nga paglapas sa Presidential Decree 1602 ukon Anti-illegal gambling matapos nadakpan sa akto nga nagapatigayon sang pagsugal nga ginatawag tong-its sa Sitio Pang-pang Brgy. Ibaca banwa sang President Roxas.
Ginkilala ang mga nagkaladakpan nga sanday Arlyn Frial, 62-anyos, Vilma Basinang, 59-anyos nga lunsay residente sang nasambit nga lugar kag Annie Dela Cruz, 49-anyos residente sang Sitio Manggahan, Brgy. Poblacion sang nasambit man nga banwa.
Sandig sa President Roxas Municipal Police Station, naaktuhan nga nagahampang sang tong-its ang nasambit nga mga persona sang tinalikdan Abril 24.
Nakuha ang isa ka set sang baraha, pet money nga nagabalor sang P265, tatlo ka plastic chairs, isa ka lamesa kag card board.
Sa karun, nagapabilin sa kustodiya sang Pres. Roxas PNP ang mga arestado para sa nagakaigo nga disposiyon.
