-- ADVERTISEMENT --
ROXAS CITY – Arestado ang tatlo ka mga persona matapos nga naglapas sa ginpatuman nga curfew hours sa banwa sang Panay, Capiz.
Ginkilala ang mga nadakpan nga sanday John Billones 31-anyos, Jesmar Verde 19-anyos kag Mhel Deita 18-anyos nga lunsay mga residente sang Barangay Agbanban, Panay, Capiz.
Base sa inisyal nga imbestigasyon sang Panay Municipal Police Station nga naabtan sila sang pila ka mga barangay officials nga yara sa idalom sang impluwensya sang makahulubog nga ilimnon.
Mahibaluan nga ginapatuman sa karon sa bilog nga probinsiya sang Capiz ang curfew hours humalin alas 8 sa gab-i tubtob alas 5 sa aga base sa Executive Order No. 11, series of 2020 nga ginpapanaog ni Capiz Governor Esteban Evan Contreras..
