ROXAS CITY – Arestado ang 3 ka mga persona matapos nga madakpan sa akto nga nagapatigayon sang ilegal nga pagpangisda sa kalalawaran nga sakop sang banwa sang Panay.
Ginkilala ang mga naaresto nga sanday Gary Billones, 31- anyos, Charlie Billones, 29- anyos kag Richard Billones, 32- anyos kag lunsay residente sang Brgy. Butacal sa nasambit nga banwa.
Dakop sa akto nga nagapanguwa sang diwal ukon angel fish ang mga areatado nga wala sang mayor’s permit.
Nakuha sa ila posesyon ang isa ka unit sang 1 fishing boat, 2 motor engine kag iban pa nga kagamitan sa pagpangisda kag 2 ka kilo sang diwal.
Magapangatubang ang mga naaresto sa paglapas sa Mun. Ordinance 03-02 series of 2003.
Ginturn-over ang mga arestado kag ang mga kompiskado nga mga items sa MENRO-Panay para sa nagakaigo nga disposisyon.
