ROXAS CITY – Dakop sa akto nga nagapatigayon sang iligal nga pagpangisda sa kalalawran nga sakop sang Brgy. Culasi Roxas City ang 3 ka mga persona.
Ginkilala ang mga nagkaladakpan nga sanday Jose Sombillon 43-anyos, tag-iya sang baroto, Manuel Alcazaren 53-anyos kag Myrlo Belisario 37-anyos nga lunsay mga residente sang Brgy. Culasi Roxas City.
Sa impormasyon nga nakuha sang Bombo Radyo sa Roxas City Police Station, samtang nagapatigayon sang operasyon batok sa iligal nga pagpangisda ang Bantay Dagat Capiz sang akto nga nadakpan ang mga nasambit nga persona nga nagapatigayon sang iligal nga pagpangisda.
Ginkumpisakar sang mga katapo sang Bantay Dagat Capiz ang fishing boat nga may balor P300,000, fishing gear kag iban pa nga kagamitan sa pagpangisda nga may estimated value nga P70,000.
Sa karon, yara na sa kustudiya sang City Fishery kag Agrikulture ang mga nakumpiskar para sa nagakaigo nga disposisyon.
