ROXAS CITY – Napasakaan na sang kaso nga paglapas sa Republic Act9165 ang 3 ka mga persona nga nadakpan sa ginpatigayon nga drug buy-bust operation sa Brgy. Tiza, Roxas City sadtong Agosto 16.
Matandaan ginkilala ang mga naaresto nga sanday Shane Iver So alias “shayne” 22-anyos kag residente sang Brgy. 7 Roxas City, Nelfa Alindajao, 20-anyos, residente sang Brgy. Baybay, Roxas City kag Rolan Malones, 23-anyos residente sang Brgy. 10, Roxas City.
Nakuha sa posesyon sang mga nagkaladakpan ang 7 tanan ka sachet sang gina-alegar iligal nga droga nga may kabug-aton ginabulubanta 35 grams kag may standard drug price nga P224, 400, 1 ka poucg nagaduag pula kag puti, coin purse nagaduag itom, 1 unit nga cellphone kag pila ka mga drug paraphernalias.
Natigayon nga madakpan ang mga arestado pinaagi sa gintingub nga pwersa sang Region Police Drug Enforcement Unit kag Roxas City Police Station Drug Enforcement Team nga ginalakipan kag sa koordinasyon sang Philippine Drug Enforcement Agency 6.
