3 ka persona nga nadakpan sa iligal nga pagpangisda sa banwa sang Panay nagbayad na sang penalidad

ROXAS CITY – Nagbayad na sang penalidad sa paglapas sa Mun. Ordinance 03-02 series of 2003 ang 3 ka persona nga ginpang-aresto matapos madakpan iligal nga nagapangisda sa bahin sang kalalawran sang banwa sang Panay.

Nagbayad sang P2,500 ang kada isa nga sanday Gary Billones, 31- anyos, Charlie Billones, 29- anyos kag Richard Billones, 32- anyos kag lunsay residente sang Brgy. Butacal sa nasambit nga banwa.

Matandaan nga nadakpan sa akto nga nagapanguwa sang diwal ukon angelfish ang mga naaresto kun sa diin wala ang mga ini sang Mayor’s Permit.