PANITAN, CAPIZ – Nagapabilin nga ginabulong sa Roxas Memorial Provincial Hospital ang tatlo ka mga persona matapos nga naaksidente ang ginasakyan nila nga motorsiklo sa Barangay Salocon, Panitan, Capiz.
Ginkilala ang mga biktima nga sanday Rodian Melcaritay, 20 anyos residente sang Barangay Tuburan, Maayon, Capiz (driver sang motorsiklo) kag duha ka mga backrider sini nga sanday April Alcudia, 19 anyos kag Amy Alcudia, 21 anyos nga lunsay mga residente sang Barangay Pantalan, President Roxas, Capiz.
Base sa nangin imbestigasyon sang Panitan Municipal Police Station nga naggikan ang mga biktima sa syudad sang Roxas sakay sa ila sini ginamaneho nga motorsiklo kag padulong na kuntani sa banwa sang President Roxas kag sang pag-abot nila sa dalanon sang Barangay Salocon, Panitan nadulaan sang kontrol sa pagmaneho ang driver rason nga na-aksidente ang mga ini.
Bangud diri nag-angkon sang mga kasamaran sa kalawasan ang nasambit nga mga biktima.
