3 ka tuig nga bata, patay matapos malumos sa swimming pool

ROXAS CITY – Patay ang tatlo ka tuig nga bata matapos malumos sa isa ka swimming pool sa Barangay Timpas, Panit-an, Capiz. 

Base sa ginparekord sang pamilya sang wala na ginhingadlan nga biktima sa Panit-an Municipal Police Station, ginkatingala sang mga ini wala na nakit-an ang nasambit nga bata. 

Diri kag ila ginkakibot sang nakit-an nga nagapautaw-utaw na ang biktima sa swimming pool kag wala na sang kabuhi. 

Posible nga naling-an sang mga ini ang nasambit nga bata rason nga nakalab-ot ini sa swimming pool nga nagresulta sa iya nga pagkalumos. 

Tuman naman ang kasubo nga nabatyagan sa karon sang pamilya bangud sang nadangatan sang biktima.