ROXAS CITY – Padayon sa karon nga ginabulong sa ospital ang tatlo ka tuig nga bata nga aksidente nga nalukpan sang armas-luthang sa Barangay Manoling, President Roxas, Capiz.
Ba-se sa inisyal nga imbestigasyon sang President Roxas Municipal Police Station, ginhampangan sang wala na ginhingadlan nga biktima ang .38 caliber pistol nga ginapanag-iyahan sang iya amay nga si Rolando Garcia, 52 anyos.
Matapos makit-an ni Maria Leny Garcia, 28 anyos, iloy sang biktima, ang iya anak, gilayon niya gin-agaw ang nasambit nga armas apang dimalas nga ini ang naglupok.
Nag-angkon sang pilas sa nawong ang biktima nga naglapos sa natuo sini nga liog.
Gilayon naman nga ginrespondihan sang mga katapu sang Active Lutod-Lutod Emergency Response Team (ALERT) ang insidente kag gindala sa ospital ang biktima.
Sa karon nagapabilin sa Roxas Memorial Provincial Hospital ang biktima.
