-- ADVERTISEMENT --
JAMINDAN, CAPIZ – Arestado ang tatlo ka mga indibidwal matapos ginserbihan sang warrant of arrest sang mga katapo sang Jamindan Municipal Police Station sa Barangay Lucero, Jamindan, Capiz.
Ginkilala ang mga nadakpan nga sanday Ruben Valiente, 56 anyos; Evelyn Valiente, 38 anyos; kag Jericho Valiente, 18 anyos, lunsay mga residente sang nasambit man nga lugar nga akusado sa kaso nga paglapas sa Republic Act 7610.
Ang warrant of arrest batuk sa mga akusado ang ginpapanaog kag ginpirmahan ni Judge Judith Orendain Tonogbanua sadtong Enero 13, 2020.
Ginrekomendar sang korte ang P80, 000 nga piyansa tagsa sa mga akusado para sa iya temporaryo nga kahilwayan.
