ROXAS CITY – Luwas na nga nakabalik sa ila mga pamilya ang tatlo ka mga mangingisda matapos na-rescue sa kadagatan sang Barangay Baybay, Roxas City sang nagapatrolya nga bantay dagat.
Suno kay Danny Alcones, isa sa tatlo ka tripulante sang MB Kuya Cardo nga duha ka oras sila nga nagpalutawlutaw sa dagat matapos nagkulob ang ila nga motor banca.
Nagpa lawud ang tatlo para magpahamtang sang arong sa bahin sang kadagatan apang wala ginalauman nga madulaan sang balanse ang motor banca sa diin amat amat nga nagsulod ang tubig tobtob ini ang nagkulob
Lubos naman ang pagpasalamat ni Alcones kalakip ang duha sini ka mga kaupdanan nga sanday Nelson Candido at Nestor Ardeña, lunsat residente sang Barangay Dumolog, Roxas City sa nagapatrolya nga bantay dagat nga amo ang nagbulig sa pat-ud nga katalagman.
