-- ADVERTISEMENT --
Diri sa aton sa Pilipinas, masami kon magdul-ong Kita sang aton mga Pamilya sa airport madamu pa sang mga eksena nga nagakatabo antis makabyahe.
Kon Kaisa gani may nagahibi-hibi pa bangud madugay na naman nila nga Makit-an ang ila sini mga pinalangga.
Apang didto sa New Zealand, madamu ang nakibot matapos ginpatuman ang three-minute limit para sa farewell hugs.
Ang airport nagbutang sang karatula nga nagasiling “Max hug time 3 minutes” sa drop-off zone agud mapadasig ang paghalin sang mga pasahero.
Suno kay airport chief executive Daniel De Bono, tinutuyo sang polisa nga mapaayo ang dalagan sang mga salakyan sa lugar.
Gin-athag man sini nga gintuyo lamang ang drop-off zone para sa madasig nga farewell antes magbiyahe ang mga pasahero.
