Tatlo ang ginreport nga patay kag 11 ang pilason kasunod sang shooting incident sa Banga National High School sa South Cotabato subong nga adlaw, Setyembre 18.
Suno sa mga otoridad, ginalakipan sang mga napatay ang ginapatihan gunman nga isa man ka estudyante sa eskwelahan.
Natabo ang pagpangluthang la 1:30 sang hapon, pila ka mga estudyante ang nag-angkon sang pilas tuga sang pagluthang kag gilayon nga gindala sa mga ospital para sa gilayon nga medical attention.
Gilayon nga ginsuspende ang klase sa tanan nga lebel sa bug-os nga banwa sang Banga kasunod sang insidente.
Padayon ang imbestigasyon sang kapulisan agud mahibaluan ang bug-os nga detalye kag motibo sa likod sang pagpangluthang.
Samtang, nagakoordinar ang Department of Education sa mga lokal nga otoridad kag nagpabutyag sang ila kahandaan sa paghatag sang psychological first aid kag psychosocial support sa mga estudyante kag iban pa nga apektado.
