3 patay, 4 pilason sa engkwentro sa militar vs NPA sa Himamaylan, Negros Occidental

ROXAS CITY – Tatlo patay, apat pilason sa mga miyembro sang 94^th Infantry Battalion sa nagluntad nga engkwentro sa tunga sang militar kag ginapatihan rebelde nga New People’s Army sa Sitio Tugas, Barangay Carabalan, Himamaylan, Negros Occidental.

Nahibaluan nga natabo ang engkwentro samtang nagapatigayon sang security patrol ang militar sa pagpanagtag sang ayuda sa idalom sang Social Amelioration Program sang Department of Social Welfare and Development (DSWD) sa kaiping nga barangay.

Ginapahayag nga nakabaton sang report ang mga suldado natuhoy sa presensiya sang rebelde sa lugar rason nga nagpadala sang dugang nga tropa sa lugar apang ginapahayag nga ginhabuyan sang mga rebelde sang granada ang militar.