ROXAS CITY – Nag-angkon sang menor nga mga kapilasan sa lawas ang tatlo ka mga indibidwal matapos nga maaksidente sa ila ginasakyan nga motorsiklo sa Barangay Lanot, Roxas City.
Ginkilala ang mga biktima nga sanday Christopher Belarde, driver sang motorsiklo; kag mga backriders sini nga sanday Geraldine Cartujano kag Melanie Cartujano, lunsay mga residente sang Barangay Cabugao, sining siyudad.
Base sa inisyal nga impormasyon nga nakuha sang Bombo Radyo, nakasanggit sang isa ka cable wire ang isaka closed van kag ini ang naigu sa motorsiklo nga ginamaneho ni Belarde.
Bangud diri, nadulaan si Belarde sang kontrol sa iya nga manubera rason nga natumba ang ginamaneho sini nga motorsiklo sa dalan.
Bangud sa pagkatumba sang motorsiklo, nag-angkon sang menor nga mga kasamaran sa lawas ang mga biktima nga gilayon man gindapatan sang nagakaigo nga pagbulong.
