PONTEVEDRA, CAPIZ – Pilason ang tatlo ka mga indibidwal matapos maaksidente ang ila ginasakyan nga motorsiklo sa Barangay Bailan, Pontevedra, Capiz.
Ginkilala ang mga napilasan nga sanday Mark Daniel Villanueva, 18 anyos, driver sang motorsiklo; mga backriders nga sanday Roel Billosa, 18 anyos kag Mark Anthony Villanueva, lunsay mga residente sang Barangay Balighot, Maayon.
Base sa inisyal nga impormasyon nga nakuha sang Bombo Radyo, gikan ang mga biktima sa Barangay Magubilan, Panay nga lunsay yara sa idalom sang impluwensiya sang makahulubog nga ilimnon.
Ginapahayag nga nadulaan sang kontrol sa manubela ang driver rason nga natumba ang motorsiklo sa dalan.
Gilayon nga gindala sa Bailan District Hospital ang nasambit nga mga indibidwal agud madapatan sang nagakaigo nga pagbulong.
