ROXAS CITY – Pilason nga ginpadangat sa Roxas Memorial Provincial Hospital ang tatlo ka mga persona matapos naaksidente ang ila ginasakyan nga motorsiklo sa Barangay Bato, Panay, Capiz.
Ginkilala ang mga biktima nga sanday Renato Tuga-ob, 46 anyos kaupod ang duha ka mga backriders nga sanday Ronel Monsale, 26 anyos kag Cony Monsale, 46 anyos, lunsay mga residente sang Poblacion Tabuc, Panay, Capiz.
Suno kay Police Staff Sergeant Bryan Bacay, imbestigador sang Panay Municipal Police Station nga padulong na kuntani sa syudad sang Roxas ang tatlo ka mga biktima sakay sa motorsiklo sang wala ginalauman nga naliso patu-o sang driver nga si Tuga-ob ang motorsiklo kasunod ang pagkatumba kag pagkapilas sang mga biktima.
Gilayon man nga nagresponde ang Capiz Emergency Response Team (CERT) kag gindapatan sang first aid.
