-- ADVERTISEMENT --
ROXAS CITY – Pilason ang tatlo ka mga lalaki sa karambola sang isa ka tricycle kag duha ka mga single nga motor sa Barangay 3, Roxas City.
Ginkilala ang mga napilasan nga sanday Marjun Rendon, 31 anyos, driver sang isa ka motorsiklo, Ryan Jimenez, 31 anyos, driver sang isa pa ka motorsiklo kag backrider sini nga si Jayson Fuentes, 21 anyos.
Base sa inisyal nga impormasyon, samtang ginasubay sang motorsiko ni Rendon ang nasambit nga lugar, aksidente ini nga nabungguan sang tricycle nga ginamaneho ni Alfie Angelo Baldisimo nga nagresulta sa karambola sang duha ka motorsiklo kag sang tricycle.
Bangud diri, nag-angkon sang menor nga kasamaran sa lawas sanday Rendon, Jimenez kag Fuentes nga gilayon ginpadapatan sang nagakaigo nga pagbulong.
