ROXAS CITY – Pilason ang tatlo ka mga indibidwal matapos ang nagluntad nga aksidente sa Barangay Bolo, Roxas City.
Ginkilala ang mga biktima nga sanday Ronil Dasig, 24-anyos, driver sang RUSI 110 nga motorsiklo sang Barangay Banica sining syudad kaupod ang duha ka mga backrider sini nga lunsay nagapang-edaron sang 15 anyos kag mga residente sang Barangay Gabuan sining syudad
Sandig sa imbestigasyon sang Traffic Section sang Roxas City Police Station, samtang sakay sa motorsiklo ang tatlo ka mga biktima hinala na lamang nga nahapit nila ang nahamtang nga cyclone steel barrier sa tunga sang dalan rason nga natumba ini sa motorsiklo.
Bangud sini, na-angkon sang mga pilas sa lawas ang nasambit nga mga persona nga madasig naman gindapatan sang first aid sang Capiz Emergency Response Team (CERT) apang nagpamalibad nga magpadala sa ospital.
Nagapati naman ang mga biktima nga posible hungod nga ginbutang sa dalan ang nasambit nga cyclone barrier.
