ROXAS CITY – Pilason ang tatlo ka mga persona matapos nga ginaalegar aksidente nga mabungguan sang motorsiklo ang ginang nga nagatabok sa National Highway sang Barangay Lawaan, Roxas City.
Ginkilala ang biktima nga si Jasmine Florete 46-anyos residente sang nasambit nga lugar.
Sandig sa imbestigasyon sang traffic section sang Roxas City Police Station nagguha nga samtang ginasubay sang motorsiklo ang dalanon sakay ang driver nga si Kyle Bajada 19-anyos sang Barangay Bolo kag back-rider nga si Carmela Altamia 19-anyos sang Barangay Santa Cruz, Ivisan aksidente nga na-sideswipe si Florete.
Bangud diri, nadulaan sang kontrol sang pagmaneho ang driver sang motorsiklo kag dalayon nga natumba sa dalan.
Lunsay nga ginpadangat sa magkatuhay nga ospital ang tatlo kag padayon sa karon nga ginabulong.
