ROXAS CITY – Pilason ang tatlo ka mga persona matapos ang nagluntad nga aksidente sa dalanon sang Barangay Tico, Panay Capiz.
Ginkilala ang biktima nga si Maria Grace De Jaime 31-anyos sang Barangay Agbanog, Pontevedra, Capiz.
Base sa inisyal nga imbestigasyon sang Panay Municipal Police Station nga samtang nagatabuk si De Jaime sa dalanon wala sini nadiparahan ang motorsiklo nga ginamaneho ni Bernabe Dapicortal 20-anyos kaupod ang backrider nga si Jay-ar Delfin 19-anyos lunsay mga residente sang Barangay Cabungahan, Maayon, Capiz.
Bangud diri, nabungguan sang nasambitan nga motorsiklo ang nasambit nga biktima.
Nag-angkon naman sang pilas sa magkatuhay nga porsyon sang kalawasan ang biktima nga gilayon gindala sa ospital para dapatan sang nagakaigo nga pagbulong.
Samtang, nag-angkon man sang pilas sanday Dapicortal kag Delfin matapos nga natumba man ang ila motorsiklo sang natabo ang aksidente.
