ROXAS CITY – Pilason ang tatlo ka persona sa pagbunggu-anay sang bus kag van sa Sitio Cubay, Barangay Bungsuan, Dumarao, Capiz.
Kalakip sa mga napilasan ang mga pasahero sang van nga sanday Argie Balayo-driver sang van, Famila Balayo kag Jonalyn Brunio, lunsay mga residente sang Barangay Tamulalod, Dumarao, Capiz.
Nagaguwa sa imbestigasyon sang Dumarao Municipal Police Station nga nagpang-agaw sang linya ang van nga ginamaneho ni Balayo kag wala ginalauman nga nagbunggu-anay sila sang bus nga ginamaneho ni Erlyn Sunico sang Barangay Aglanot, Dumarao, Capiz.
Lunsay nag-angkon sang mga pilas sa magkatuhay nga bahin sang lawas ang mga pasahero sang van samtang maswerte ang mga pasahero sang JRN bus liner nga wala napilasan.
Gilayon nga gindala sa ospital ang mga biktima matapos ang akidente.
