ROXAS CITY – Ipadeport sang Thai Royal Police ang tatlo ka mga Pinoy nga nadakpan nga nagapangayo sang donasyon sa mga turista para sa Giving Hope to the Children of Asia sa Central Pattaya, Thailand.
Sa exclusive interview sang Bombo Radyo Roxas kay International Correspondent Cleo Rose Jondonero, ginpahayag sini nga gin-aresto ang tatlo matapos nakumpirma nga wala gina-endorso ukon suportado sang nasambit nga charity ang nasambit nga mga Pinay.
Nahibaluan pa sang Thai Royal Police nga ginabulsa sang mga suspek ang makuha nga donasyon kag wala ini nagakadto sa mga bata nga nagakinahanglan.
Magluwas diri wala sang nagakaigo nga work permit ang tatlo gani matapos ang imbestigasyon pasakaan pa sang nagakaigo nga kaso kag i-deport ang mga ini pabalik sa Pilipinas.
