Tatlo sa apat ka mga suspek sa pagpatay sa American marine biologist nga si Kent Carpenter ang natigayon nga madakpan.
Suno kay PNP Public Information Chief PCol. Allen Rae Co, ang mga arestado amo sanday alyas M.O, 26 anyos, ginaalegar gunman; alyas J.F, ginaalegar naghimulos sa live-in partner sang biktima kag si alyas C.D , ginaalegar lookout.
Si Carpenter nga naga-edad sang 73, ang ginluthang patay sang tatlo ka mga lalaki sa balay mismo sang biktima sa Barangay Ajong, Sibulan, Negros Oriental.
Nagalantaw si Carpenter sang telebisyon sang ginluthang ini sang mga suspek sa ulo antes magpalagyo ang grupo.
Si Carpender ang kilala sa iya nga research sa coral reefs kag marine biodiversity kag pahayag sang otoridad, naka-contribute man ang scientific work sang biktima sa kaso sang Pilipinas sa 2016 arbitral ruling sa West Philippine Sea.
