-- ADVERTISEMENT --
ROXAS CITY – Pilason ang tatlo ka mga senior citizen matapos nabungguan sang pribado nga salakyan sa Kilometer 1, Barangay Lawaan, sining siyudad.
Ginkilala ang mga biktima nga sanday Alicia Buncalan, 74 anyos, Julieta Capundan, 71 anyos, kag Shirly Estiaga, 64 anyos, lunsay residente sang Barangay Manhoy, Dao, Capiz.
Sa imbestigasyon sang Roxas City PNP, naggaguha nga maga-overtake kuntani ang salakyan nga ginamaneho ni Concepcion Facto sa tricycle sa unahan sini apang wala niya natalupangdan ang nagatabok nga mga biktima rason aksidente niya ini nga nabungguan.
Gilayon gindala sa ospital ang mga biktima agud madapatan sang nagakaigo nga pagbulong.
