30-anyos nga driver, yara nasa hilway nga kondisyon matapos nga natumba ang iya ginamaneho nga Van sa banwa sang Dumarao, Capiz

DUMARAO, CAPIZ – Yara na sa estable nga kondisyon ang isa ka 30 anyos nga driver matapos nga natumba ang ginamaneho sini nga Delivery Van sa Sitio Tarug, Barangay San Juan, Dumarao, Capiz.

Ginkilala ang biktima kay Johnny Boy Birico sang Barangay Maindang, Cuatero, Capiz.

Base sa inisyal nga imbestigasyon nga naggikan ang amo nga delivery van sa probinsya sang Iloilo kag magapadulong kuntani sa probinsya sang Aklan sang may nasumalang ini nga isa ka salakyan kag bangud sa tuman kasilak sang suga sini, nasilawan ang nasambit nga driver rason nga nadulaan ini sang kontrol sa pagmaneho.

Bangud diri, nag-angkon sang pagpanalakit sa lawas ang amo nga driver matapos nga natumba ang ginamaneho sini nga van.