-- ADVERTISEMENT --
ROXAS CITY – Arestado ang 30-anyos nga lalaki, matapos ginserbihan sang warrant of arrest sang katapo sang Roxas City PNP.
Sandig sa impormasyon nga nagikan sa Roxas City Police Station, ginkilala ang naaresto kay John Cyril Tejada “alyas dongdong” , 30-anyos, residente sang Sitio Jail, Brgy. Lawaan, Roxas City.
Kaso nga paglapas sa P.D. 1602 Republic Act 9287 ukon Illegal Gambling ang paga-atubangon ni Tejada.
Ang warrant of arrest ang gin-isyu kag ginpirmahan ni Hon. Kristine B. Tiangco-Vinculada, Presiding Judge sang Regional Trial Court, 6th Judicial Region, Branch 16, Roxas City kag napetsahan Agosto 14, 2023.
Sa karon, yara na sa kustodiya sang Roxas City Police Station ang aredtado kag natalana nga i-turn-over sa court of origin.
-- ADVERTISEMENT --
