30-anyos nga lalaki, dakop matapos madakpan sa akto nga nagapatigayon sang illegal nga pasugal sining syudad

ROXAS CITY – Dakop ang 30-anyos nga lalaki, matapos madakpan sa akto nga nagapatigayon sang illegal nga pasugal sa Pueblo De Panay, Roxas City.

Ginkilala ang nadakpan kay Remard Adame Reyes alyas “Duko”, STL bet collector, kag residente sang Barangay Banica, sining syudad.

Sa impormasyon nga nakuha sang Bombo Radyo nagikan sa Roxas City PNP, ginapahayag nga natigayon nga madakpan si Reyes pinaagi sa gintingub nga pwersa sang Capiz Provincial Intelligence Unit kag Capiz Tracker Team.

Nakuha sa posesyon sang nadakpan ang P150.00, kag 1 ballpen.

Sa karun, nagapabilin ini sa paghinakop sang Roxas City PNP para sa nagakaigo nga disposisyon.