ROXAS CITY – Dakop ang 30-anyos nga lalaki, matapos ang ginkasa nga buy bust operation sa Bangbang St., Barangay Inzo, Roxas City.
Ginkilala ang nadakpan kay Kevin Jet Bautista kag residente sang Barangay San Jose, sining syudad.
Sa impormasyon nga nakuha sang Bombo Radyo nagikan sa Roxas City PNP, dakop sa akto nga nagabaligya sang indi lisensyado nga armas luthang si Bautista kag natigayon nga madakpan pinaagi sa pulis nga nagpakuno-kuno poseur buyer.
Nakuha sa paghinakop sini ang 1 sling bag nagaduag itom, P100.00 nga marked money, P3,500.00 counterfeit money, 4pcs cartridge sang .38 caliber.
Ginlapas ni Bautista, ang kaso nga Republic Act 10591 ukon Comprehensive Firearms and Ammunition Regulation Act.
Sa karun yara na ini sa kustodiya sang Roxas City PNP, para sa nagakaigo nga disposisyon.
