30-anyos nga lalaki dakop sa drug buybust operation sa banwa sang Panay, Capiz

ROXAS CITY – Dakup ang isa ka 30 anyos nga lalaki matapos ginkasa ang Drug Buybust Operation sa Barangay Pawa, Panay, Capiz.

Ginkilala ang suspek nga si Doroteo Bigcas sang Poblacion Tabuc sang nasambit nga banwa.

Narekober sa posession sang suspek ang apat tanan ka mga sachets sang ginapatihan shabu, P500 nga buybust money kag cellphone.

Natigayon ang operasyon kag nadakpan ang suspek pinaagi sa gintingub nga pwersa sang Station Drug Enforcement Team ukon SDET sang Panay Municipal Police Station kag Provincial Drug Enforcement Unit (PDEU).

Magapangatubang naman sa paglapas sa RA 9165 ukon Comprehensive Dangerous Drugs Act of 2002 ang nasambit nga drug suspek.