30 anyos nga lalaki, ginserbehan sang warrant of arrest sa kaso nga paglapas sa RA. 9165 sa syudad sang Roxas

Arestado ang 30-anyos nga lalaki matapos nga ginserbehan sang warrant of arrest sa kaso nga paglapas sa RA. 9165 ukon Comprehensive Dangerous Drugs Act of 2002 sa Barangay Lawaan syudad sang Roxas.

Ginkilala ang akusado kay alyas “Marc” residente sang Barangay Lanot, Roxas City.

 Ang warrant of arrest ang ginpirmahan kag ginpapanaog ni Hon. Faustino Valenzuela Roxas, Acting Presiding Judge, Family Court, Regional Trial Court, branch 18, Roxas City Capiz, napetsahan November 18, 2024.

Samtang, gilayon man ini nga nahilway sa karsel matapos nga nakapiyansa sang yara sa P40,000 nga ginrekomendar para sa temporaryo nga kahilwayan.