ROXAS CITY – Pilason ang 30-anyos nga lalaki, matapos aksidente nga naluthangan sa banwa sang Dumalag takna 9:40 kagab-i Nobyembre 27, 2023.
Ginkilala ang biktima kay alyas “John” samtang ang suspek ang ginkilala kay alyas “Junjun” kag lunsay residente sang nasambit nga lugar.
Sa impormasyon nga nakuha sang Bombo Radyo sa Dumalag Municipal Police Station, ginpahayag nga naga-away ang suspek kag ang asawa sini sang gintambagan sang biktima.
Bangud sini, aksidente nga naluthangan sang suspek ang biktima rason nga naigo ini sa iya nawala nga dughan.
Gilayon naman nga ginpadangat sa Tapaz District Hospital ang biktima apang gintransfer naman sa isa ka ospital sa syudad sang Iloilo City para sa nagakaigo nga pagbulong.
Samtang, boluntaryo naman nga nagsungka ang suspek sa otoridad.
Sa karun, yara na sa kustodiya sang Dumalag Municipal Police Station ang nasambit nga suspetsado para sa nagakaigo nga disposisyon.
