-- ADVERTISEMENT --
ROXAS CITY – Patay ang 30 anyos nga mister matapos makuryente sa Sitio Luyo, Barangay Culasi, Roxas City.
Ginkilala ang biktima kay Harry Joseph, residente sang nasambit man nga lugar.
Sa inisyal nga imbestigasyon, nagalakat pauli ang biktima upod sa iya nga abyan sang wala sini matalupangdan ang nagalaylay nga live wire sa dalan bangud sa tuman nga kahulugbon.
Didto kag natapakan sang biktima ang nasambit nga kable rason nga nakuryente ini nga gintunaan sang iya nga kamatayon.
Gindala pa ini sa ospital apang gindeklarar nga dead-on-arrival.
-- ADVERTISEMENT --
