Naglab-ot na sa 35 ang mga napatay matapos nasunog ang isa ka passenger cargo vessel nga MV June Aster sa kadagatan sang Coron, Palawan.
Kasunod ini sang pagkarekober sang 30 ka mga bangkay gikan sa sakayan pandagat sang kahapon nga adlaw, matapos nga gindeklarar nga fire out na ang kalayo kag ginpatigayon ang safety assessment sang barko.
Suno sa Philippine Coast Guard (PCG), ang pagkuha kag pagsaylo sang bangkay gamit ang BRP Cape Engaño nagsugod pasado alas 5:16 sang hapon kahapon nga adlaw.
Ginalauman man nga dal-on subong nga adlaw sa Port of Borac sa Coron, Palawan ang mga bangkay.
Matandaan nga natabo ang incident sang Setyembre 9 kon sa diin 134 ang kabug-usan nga sakay sang cargo vessel lakip na ang 117 ka mga pasahero, 17 ka mga crew.
Samtang, 42 naman ka mga indibidwala ang na-rescue.
Padayon pa ang search and rescue operation sang mga otoridad sa mga nabilin nga wala pa makit-an.
