Kapin sa 30 ka tawo ang napatay kag pila pa ang gindakop matapos ginsalakay sang mga gunmen ang isa ka baryo sa Niger state sa naaminhan nga Nigeria, suno sa pulis.
Sa isa ka pahayag, si Wasiu Abiodun, isa ka tigpamaba sang pulis sang Niger, nagsiling nga ginsalakay sang mga armado ang merkado sang Kasuwan Daji sa minuro sang Demo mga sang Sabado, pagsunog sang mga balaligyaan kag pagpangawat sang pagkaon.
Suno sa pulis, ang mga nag-atake naghalin sa National Park Forest sa distrito sang Kabe, nga isa ka kinaandan nga palanaguan sang mga armado nga grupo.
Samtang, si U.S. President Donald Trump nagpamahog sang aksyon militar bangud sa iya gintawag nga “targeted killings” sa mga Kristiyano sa Nigeria—isa ka pag-angkon nga ginbaisan sang gobyerno sang Nigeria, nga nagsiling nga ang kalabanan sang mga biktima sang armado nga mga grupo mga Muslim.
Matandaan nga sang Disyembre 25, ang U.S. kag Nigeria naghimo sang mga pag-atake sa kahanginan batok sa mga hangaway sang ISIL (ISIS) sa northwest sang pungsod, kasunod sang pangako ni Trump nga maghimo sang aksyon batok sa iya gintawag nga “Christian genocide.”
