31-anyos nga lalaki, nadakpan sa banwa Panitan bangod sang kaso nga Grave Threats

PANITAN, CAPIZ – Nadakpan sang kapulisan ang isa ka 31-anyos nga lalaki matapos ginserbehan sang warrant of arrest bangod sang kaso nga Grave Threats sa Barangay Poblacion Ilawod, Panitan, Capiz

Ang gin-aresto amo si alyas Ricky, kag residente sang Barangay Timpas, Panitan, Capiz.

Suno sa Panitan Municipal Police Station ang warrant of arrest gin-isyu ni Judge Hannibal R. Patricio sang Municipal Trial Court sang Panitan sang Enero 15, 2026, may kaangtanan sa paglapas sang Article 282 o Grave Threats, sa criminal case number 19-11-2022.

Sa karon, yara na sa kustodiya sang Panitan MPS ang gin-aresto para sa nagakaigo nga disposisyon.