Ginpaidalum na sa inquest proceeding ang 31-anyos nga lalaki nga nadakpan sa drug buy-bust operation sa Barangay Tanza Sur, Panay, Capiz.
Ang suspek amo si alyas “John,” residente sang Barangay Calitan sa amo nga banwa.
Sa interview sang Bombo Radyo kay Police Captain Eric B. Deocampo, Officer-in-charge sang Panay Municipal Police Station, isa ini ka street-level individual kag nakaagi na sang plea bargaining agreement sang 2018 may kaangtanan sa ilegal nga droga.
Narekober sa iya ang ginabulubanta nga 10 grams sang ginapatihan nga shabu nga nagabalor sang P68,000, lakip ang P6,000 nga buy-bust money kag iban pa nga mga gamit.
Duggang pa ni Deocampo, igapasa ang kaso sa Prosecutor’s Office tungod sa ginapatihan nga paglapas sa Republic Act 9165 ukon Comprehensive Dangerous Drugs Act of 2002.
Sa subong, nagapabilin ang suspek sa kustodiya sang Panay Municipal Police Station.
