ROXAS CITY – Nagparekord sa Roxas City Police Station ang isa ka 31-anyos nga persona matapos nga ginaalegar nagtuga sang iskandalo kag kinagamo sa Barangay Jumaguicjic, Roxas City.
Ginkilala ang tagreklamo nga si Junas Aller sang nasambit nga lugar.
Sandig sa ginpabalhag sang tagreklamo nga samtang yara ini sa sulod sang ila balay ginaalegar nga hinali na lamang nga nagtuga sang iskandalo ang suspek nga si Jose Bonete 48-anyos sang amo man nga lugar kag yara sa idalom sang impluwensya sang makahulubog nga ilimnon rason nga nagasinggitan ini sa guwa kag tuyo pa kuntani nga magsulod sa ila balay
Magluwas diri, ginaalegar sang tagreklamo nga ginhambalan pa ini sang mga malain nga tinaga sang amo nga suspek.
Nahibaluan nga may yara sang daan nga hiligut-anon ang duha rason nga natabo ang nasambit nga insidente.
Bangud diri, ginpakamaayo na lamang sang tagreklamo nga iparekord sa pulisya ang natabo.
