Ginkumpirma sang Commission on Election nga 31 ka mga government contractors ang naghatag sang donasyon sa mga kandidto sang nagligad nga 2022 elections.
Suno kay Comelec Chairman George Garcia, ginadumilian sa Section 95 sang Omnibus Election Code ang sin-o man nga government contractor, service man ukon public works nga maghatag sang donasyon para sa mga tinutuyo nga pang-pulitika sa sin-o man nga kandidato sang nagligad nga eleksyon.
Tanan nga mga nakaangkon sa 31 government contractors ang nagpadalagan sa national position.
Pahayag pa sang natungdan, mahimo sa gihapon nga makasohan ang sin-o man nga kandidato nga nagbaton sang donasyon sa government contractor sang 2022 bangud ang prescriptive period sang election offense ang yara sa lima ka tuig samtang may yara ini sang penalidad nga pagkapreso sang isa tubtob anum ka tuig.
