32-anyos nga drug suspek arestado sa drug buybust op’s sa banwa sang Sigma, Capiz

ROXAS CITY – Arestado ang isa ka 32-anyos nga drug suspek sa ginkasa nga drug buybust operation sa gintingub nga puwersa sang mga katapo sang Sigma PNP, Mambusao PNP, Sapian PNP kag Provincial Drug Enforcement Unit sa Barangay Malapad Cogon, Sigma, Capiz.

Ginkilala ang nadakpan nga si Joed Valle sang Barangay Guba, Pontevedra, Capiz.

Narekober sa possession sang arestado ang pito ka sachets sang ginapatihan nga shabu, cellphone, P1,000 nga bubust money kag mga drug paraphernalia.

Sa karon, nakahunong na sa karsel sang Pontevedra Municipal Police Station ang nasambit nga arestado.

Magapangatubang naman si Valle sang panumbungon nga paglapas sa Republic Act 9165 ukon Comprehensive Dangerous Drugs Act of 2002.