32-anyos nga lalaki arestado sa kaso nga Frustrated Homicide sa banwa sang Sapian, Capiz

ROXAS CITY – Arestado ang isa ka 32-anyos nga lalaki matapos ginserbihan sang warrant of arrest sang mga kapulisan sa Sitio Pastuhan, Barangay Agsilab, Sapian, Capiz.

Ginkilala ang naaresto kay Omar Lubin kag residente sang Barangay Poblacion sang nasambit nga banwa.

Nagapangatubang ang nasambit nga arestado sa kaso nga Frustrated Homicide kun sa diin ang amo nga warrant of arrest gin-issue ni Judge Romel Leonor sang RTC Branch 21, Mambusao, Capiz sadtong Agosto 12, 2020.

Ginrekomendar naman sang korte ang P72,000 nga piyansa para sa temporaryo nga kahilwayan ni Lubin.

Sa karon, nakahunong na sa karsel sang Sapian Municipal Police Station ang nasambitan nga akusado.