ROXAS CITY – Pilason ang 32-anyos matapos nga ginaalegar ginluthang sang iya tatay sa Barangay Codingle, Dumarao, Capiz.
Ginkilala ang biktima nga si Ariel De Felix sang nasambit nga lugar.
Base sa inisyal nga imbestigasyon sang Dumarao PNP nga samtang naga-inom ang biktima kag suspek nga si Antonio De Felix 56-anyos sang ginsita ang biktima sang iya iloy.
Nahibaluan nga nagtambag pa ang iya amay kun sa diin nagdesisyon na lamang ang biktima nga magpauli sa ila balay.
Apang, pagbalik na sini sa balay sang iya amay ginapahayag nga nagpalupok ini sang armas luthang.
Bangud diri, nagkuha man sang armas luthang ang amo nga suspek kag ginluthang sang makaduha ka beses ang biktima.
Nag-angkon naman sang pilas sa natuo nga tiyan kag paa ang nasambit nga biktima.
Gilayon naman ini gindala sa ospital agud dapatan sang nagakaigo nga pagbulong.
Samtang, gilayon naman nga nagsungka ang suspek sa mga kapulisan matapos ang insidente.
