32-anyos nga mangunguma arestado sa Barangay Cabungahan, banwa sang Maayon

ROXAS CITY – Arestado ang 32-anyos nga mangunguma matapos gin-serbihan sang warrant of arrest sang katapo sang Maayon Municipal Police Station sa Barangay Cabungahan, Maayon, Capiz.

Ginkilala ang suspetsado kay Robert Denosta, residente sang nasambit nga barangay.

Ang warrant of arrest ang ginpirmahan kag ginpapanaog ni Hon. Eva Veta Tejada, presiding judge sang Municipal circuit trial court Altavas, Balete, Aklan.

Nagapangatubang si Denosta sang kaso nga attempted homicide.

Apang, gilayon naman nga nakapyansa sang nagakaigo nga kantidad para sa iya temporaryo nga kahilwayan.