ROXAS CITY – “Sa hinaba-haba ng prusisyon, sa simbahan din ang tuloy”.
Ini nga hurubaton ang ginpamatud-an nanday Vicente Narciso, 66 anyos kag Remedios Santiago-Narciso, 55 anyos matapos nga sila ang nagtambi-palad sa Tambihanay: Sinadya Mass Wedding sa Immaculate Concepcion Metropolitan Cathedral.
Mahibaluan nga si Vicente ang soltero sa edad nga 66 anyos tubtob sa nahulog ini kay Remedios nga isa ka balo kag nagpakasal.
Nahibaluan nga nag-krus ang banas sang duha bangud lunsay nagapataya ang mga ini sang Small Town Lottery (STL) kag naghulugay na sang buot tubtob sa nagpalanggaanay.
Si Narciso, nga wala na magdahum-dahom nga makapangasawa pa, kag si Remedios nga wala man magdahum-dahom nga makakita pa sang asawa kasunod sang pagtaliwan sang iya bana, ang kabahin sang 32 ka mga couples nga dululungan nga nagbayluhanay sang ‘I Do’s’ sa Tambihanay 2019.
Ang Tambihanay 2019 ang kabahin sang aktibidad sang selebrasyon sang Sinadya 2019.
