Nagsaka na sa 32 ang nabalhag nga napatay samtang kapin 700 naman ang nasamaran matapos ang duha ka mabaskog nga linog nga nagtupa sa Venezuela.
Suno kay Delcy Rodríguez, ang magnitude 7.2 kag magnitude 7.5 nga mga linog nagbilin sang dako nga pagkaguba sa nagkalainlain nga bahin sang pungsod.
Ginpahayag man niya nga posible pa nga magsaka ang report sang mga napatay kag nasamaran samtang nagapadayon ang search and rescue operations.
Bangud sini, nagmando si Rodríguez sang pagdeklarar sang state of national emergency agud mapadasig ang paghatag sang bulig sa mga naapektuhan kag mapahapos ang pagdeploy sang mga kinahanglanon nga serbisyo sa mga lugar nga grabe ang epekto sang kalamidad.
Samtang, nagmando man si Marco Rubio sang madali nga pagdeploy sang search and rescue teams, medical resources kag humanitarian assistance pakadto sa Venezuela agud buligan ang mga biktima sang linog.
Padayon sa sini nga tion ang mga operasyon sang mga responder samtang ginapangita pa ang posible nga mga nalubong sa mga nagkalaguba nga istruktura kag ginahatagan sang pagbulong ang mga nasamaran sa mga ospital kag evacuation centers.
