33-anyos nga babaye, nabiktima sang kawatan sa Brgy. Baybay, Roxas City

ROXAS CITY – Personal nga nagpadulong sa istasyon sang Bombo Radyo ang 33-anyos nga babaye, agud ipabalhag nga nabiktima ini sang kawatan.

Ginkilala ang tagreklamo nga si Aimie Baguna, residente sang Sitio Takilid, Barangay Baybay, Roxas City.

Sa pagsaysay ni Baguna nga sa iya pagbugtaw iya kuntani nga lantawon ang iya cellphone apang dako ang iya kakibot sang nakit-an nga wala na ini sa bag nga iya ginbutangan.

Mahibaluan nga ang amu nga bag yara nakasab-it malapit sa bintana sang ila kwarto kag isa sa ginalantaw nga rason amu ang indi mapag-on nga ila pader bangud under construction ang ila puluy-an.

Samtang nagapati ini nga isa lamang ang yara sa likod sang pagpangawat.