ROXAS CITY – Nagpabalhag sa Roxas City Police Station ang isa ka 33-anyos nga ginang matapos nga ginaalegar ginhambalan sang mga malain nga tinaga sang isa ka persona sa Barangay Inzo Arnaldo, Roxas City.
Ginkilala ang tagreklamo nga si Renee Ruado sang nasambit nga lugar.
Sandig sa ginpabalhag sang tagreklamp nga samtang nagapangahoy ini sa iya payag hinali na lamang nga nag-abot ang mga katapo sang bumbero kag pulis kag ginpamangkot ini kun sin-o ang nagabaligya sang gasolina.
Ginapahayag nga gintudlo sang tagreklamo si Angel Jane Villanueva sang amo nga lugar rason nga naakig ini sa iya.
Bangud diri, ginhambalan sang mga malain nga tinaga ni Villanueva si Ruado kun sa diin ginpakahuy-an niya pa ini sa ila nga lugar.
Bangud diri, ginpakamaayo na lamang sang tagreklamo nga ipabalhag sa pulisya ang natabo.
