ROXAS CITY – Arestado ang 33-anyos nga lalaki matapos nga makuhaan sang matalom nga hinganiban sa Barangay Tumalalod banwa sang Mambusao.
Ginkilala ang arestado kay Mark Anthony Labaniego, 33-anyos residente sang Brgy. Burias sang nasambit nga banwa.
Sandig sa imbestigasyon sang Mambusao Municipal Police Station, pasado alas 10 kagab-i, may nag-report sa ila talatapan nga ginkilala kay certain Elvy Dave, 23-anyos isa ka helper kag residente sang Brgy. Bunga sa amu man nga banwa kag ginpahayag nga may isa ka lalaki nga nagalakat-lakat malapit sa isa ka bukas nga Fast Food Restaurants sa Brgy. Poblacion nga may dala nga matalom nga butang.
Gilayon naman ini nga ginpadulungan sang mga kapulisan kag positibo nga nakuhaan ini sang isa ka kutsilyo nga nakasukbit sa iya hawak.
Ginkustodiya ini sang Mambusao PNP kag magpangatubang sang kaso nga paglapas sa Batas Pambansa 6 in relation sa Comelec gun ban.
