-- ADVERTISEMENT --
ROXAS CITY – Arestado ang isa ka wanted nga persona matapos nga ginserbihan sang warrant of arrest sang mga kapulisan sa Sitio Narra, Barangay Punta Tabuc, Roxas City.
Ginkilala ang naaresto kay Rodel ‘Abo’ Reyes, residente sang nasambitan nga lugar.
Nagapangatubang ang akusado sa kaso nga Act of Lasciviousness.
Ang warrant of arrest ang gin-issue kag ginpirmahan ni Hon. Faustino Valenzuela Roxas Jr., Presiding Judge sang RTC Branch 14, Roxas City napetsahan Setyembre 2, 2022
Ginarekomendar sang korte ang P180,000 nga piyansa para sa temporaryo nga kahilwayan ni Reyes.
Sa karon, nakahunong ini sa karsel sang Roxas Component City Police Station para sa naga kaigo nga disposisyon.
